Indipendenza Veneta

Da Nonciclopedia, l'enciclopedia libera...

Indipendensa Veneta, diugà!Indipendenza Veneta

Bandiera italiana con papocchio.jpg
Par tuti i terùn, l'articolo in taliàn
Bandiera italiana con papocchio.jpg


Ercole e Anteo (disegno).jpg

La presion fiscal sofega el Veneto, sudore dela fronte su tera, artista sconosciuto.

Quote rosso1.png Basta inculprendensa, volemo l'indipendensa! Quote rosso2.png

~ El slogan de Indipendensa Veneta
Quote rosso1.png Ghe a ga fata anca in Sudan del Sud! Cossa ghemo nialtri in manco del Sudan del Sud? Quote rosso2.png

~ Indipendentista veneto che evidentemente no'l ga mai visto la broca de un sudanese

Indipendensa Veneta (Indipendensa Veneta, diugà! in lingua original) el xe un movimento intestinal nato par liberar el Veneto dale sate del stato italian cancaro e baro. El se diferensia da Veneto Stato, Autonomia Veneta, Partito Nasional Veneto, Liga Veneta, Progetto Nordest e dali altri pandòi che sbèregano "Roma ladrona!" pal fatto che el se ciama Indipendensa Veneta.
Obietivo de IV xe otenere la separasion atraverso un regolare referendum, 'ndando drio così a la strada tracià da Serbia, Montenegro, Kosovo, Catalogna e dal fegato de Umberto Smaila, che recentemente el ga otenù l'indipendensa dal so paron e un corposo risarcimento dani. Strada che, bisogna dirlo, la xe stà tracià liberando un mas-cio e corendoghe drio co la stendiasfalto.

El socolo duro dei sostenitori de IV xe formà al 99,99% da delusi dela Lega, delusi no tanto dal fatto che il Carroccio se gabia messo in scarsèa schei publici come e più dei altri partiti, ma dal fato che el xe stà scoverto: l'imprenditore veneto che se rispeti, infati, no'l se fa mai beccare gnanche dai musati.
El restante 0,01% xe costituito da Antonio Di Pietro, che no ga gnancora capito che l'IV no la xe l'Italia dei Valori.

[modifica] La question veneta

No Wikipedia.png
Per quelli che non hanno il senso dell'umorismo, ci dispiace ma questo articolo non è presente sulla malefica.
Vergogna wiki!

Come ne ricorda Luca Cazzaro Gorgheggiarutti, storico e portavoxe de IV, el Veneto el xe stà annesso all'Italia co l'ingano. I Veneti i se ne stava là tranquili, de doménega, a riposarse laorando sui campi quando quelo che pare un corriere espresso se avicina e fa:

Wikiquote.png
«C'è da firmare un pacco, dotto'!»

I Veneti, co l'atavico candore de lori, firmarono e ZAC!, i se cataron ligà come un salado al sofito de la caneva a un stato parasita che dal 1866 ghe ruba ogni anno 70 miliardi di euri. Sì, già nel 1866 l'Italia la se faxeva pagar in euro per ciaparse vanti.
No xe giusto, Dio stracan!

Par cuesto, el piano de Indipendensa Veneta xe insieme genial e dignitoso: ciavarsene alegramente del'Italia e lassarla afondar soto i colpi dela disocupasion, del debito publico e dele rivendicasion dela casta dei tassisti, magari tirandoghe anca do o tre quareli fin che la cola a pico.
"Del resto", argomenta Gorgheggiarutti, "in Veneto gavemo el mar, le montagne e dele fabriche de pasta al'ovo che tuto el mondo el ne invidia. Ghe faremo el cul anca ai USA!"

[modifica] El referendum

El referendum proposto da Indipendensa Veneta ga pieno valor legal e xe riconosesto dala carta dei diriti del'ONU e nel'Incantevole Tera dei Minipony. Par non turbar tropo le laboriose genti venete, esso è molto semplice:

Referendum Indipendenza Veneta.jpg

Come tutti sanno, in lingua veneta dio boia sta per sì.

Secondo un sondagio sientifico (miga polenta e bacalà) organixà da na impresa de pulisie de Brescia:

Xe importante sotolinear come solo che la Region Veneto possa indire 'sto referendum, in quanto la lege italiana (lege de no stato che i Veneti no i riconose, ndr) legitima lo status de popolo Veneto. Par tale motivo no i pol indire proposte simili regioni come la Lombardia, el Piemonte e la Emilia Romagna; el popolo Molisano, che pure xe riconosuo, no pole invesse farlo perché el abita in te na region che no la esiste.

[modifica] Alcuni validi motivi par votar sì

Jose-Manuel-Barroso.jpg

Anche Barroso sostien Indipendenza Veneta!

  • El stipendio neto medio l'aumentarà del 50%.
  • El costo del lavoro medio par le aziende diminuirà del'80%, visto che se podarà far tuto el nero che se vol.
  • El PIL del Veneto superarà quel dela Danimarca.
  • I kebabari i servirà sol sarde in saor.
  • Ospedali più eficienti.
  • Pension più dignitose.
  • Case pì sicure.
  • Strade pì sicure.
  • Sicuresa pì sicura.
  • Le done sarà pì fighe.
  • I comercialisti manco ladri.
  • I mussi i volerà.

[modifica] I svilupi

Indipendensa Veneta xe un movimento apolitico, areligioso e arasista, pertanto quando che el Veneto deventerà una republica indipendente (ormai xe question de giorni) nesuna minoransa sarà perseguitada o espulsa. Dito questo, se i teroni e le palandrane rancurasse le so cuatro strasse e decidese spontaneamente de ndar portar la malaria altrove schifo non farìa.
Na volta otignuda l'indipendensa in maniera del tutto pacifica (magari sarà necesario ghiliotinar qualche opositore, ma cossa xe la caduta de qualche testa rispeto al progreso?), IV podarà dedicarse al suo vero obietivo: la ricostrusion dela Republica de Venessia.
Luca Zaia vegnarà eleto doge, tornarà la moda dele paruche, dei corpeti e dele còtole co le balse, e ghe sarà l'obligo de girare in nave. Anca sula A4.
La rinata Serenissima mirarà poi a riafermare el proprio prestigio internasionale invadendo el Friuli-Venezia Giulia e dichiarando guera ai turchi, con i quali la ga quatro conti in sospeso fin dala batalia de Lepanto.

[modifica] Cronistoria

Corteo di Indipendenza Veneta.jpg

Manifestanti de Indipendensa Veneta de ritorno da Verona - Salernitana.

  • 13 otobre 2008 - Durante l'Ombralonga dei beoni casca in un coma etilico coletivo e conversa co la proiesion astral de Melita Toniolo, che ghe dèta i punti fondamentali del programa politico de Indipendensa Veneta. I beoni impiegherano poi quatro ani a trascriver su carta questi punti.
  • 22 magio 2012 - Na delegasion de Indipendensa Veneta se presenta ala giunta regional co 20000 firme a favore del referendum. La giunta li scambia par Testimoni di Geova e no la ghe verxe.
  • 10 agosto - Primo storico corteo de IV a Venessia. Par disperder i manifestanti le forse de l'ordine dopera i geti d'acqua, un misterioso liquido che da senpre instila el terore nel'animo de ogni buon veneto.
  • 28 agosto - Ala domanda: "Può il Veneto ottenere la secessione attraverso un referendum consultivo?" el presidente de la Comision europea José Barroso risponde co un elocuente: "Ostrega!"
  • 26 otobre - Vien presentada na nova racolta firme a sostegno de na "petision a l'Union Europea, affinché sostegna el referendum consultivo su l'indipendensa del Veneto e garantissa l'efetiva atuasion dele conseguenti decision". Se trata però de un falso: nesun veneto savarìa scriver parole come affinché e consultivo.
  • 23 novenbre - El capo de gabineto de Barroso, Johannes Laitenberger, scrive ala segreteria di IV confermando che sol tema de indipendensa la comision europea rispeta pienamente el percorso democratico e domandando che par piasér i ghe la mola de tentar de coromperlo inviandoghe sopresse.
  • 16 febraio 2013 - Miliaia de veneti a bordo dei loro Landini testa calda se riversa in Regione Veneto par sotoscriver la lege referendaria, ma restano blocati a Venessia dopo aver reso inpraticabile el Ponte de la Libertà percorendolo co i farsuri calati.
  • 11 april - Par protestar contro l'indiferensa dele istitusion ai problemi del Veneto, un ativista de IV decide de intraprender un siòpero del raboso. "I xe stai i cuindici minuti più longhi dela mia vita", dirà visibilmente provà.
  • 7 magio - La lege referendaria vien protocolà in Region come progeto de lege 342. El consillio comunal de Scaracchio sul Sile, amena località del trevisan, xe el primo a aprovarla.
  • 16 - 21 marso 2014 - Grande sucesso par el primo plebiscito digitae veneto: un veneto su tre xe riussio a impisare el computer.

[modifica] Voci corelate

Strumenti personali
wikia